சென்னை யானைக்கவுணி காவல் நிலையத்திற்கு உடலில் பெட்ரோல் ஊற்றப்பட்ட நிலையில் 18 வயது இளம் பெண் ஒருவர் சென்றார்.

வீட்டு சூழ் நிலை தான் , கடை ஒன்றில் பணிபுரிந்து வருவதாகவும், பணி முடிந்து வீட்டிற்கு திரும்பிக் கொண்டிருந்த போது, தன்னை மோட்டார் சைக்கிளில் பின் தொடர்ந்த இருவர் வழி மறித்ததாக தெரிவித்தார். தன்னை காதலிக்க சொல்லி மிரட்டியதாகவும், தான் மறுத்ததால் அவர்கள் பாட்டிலில் இருந்த பெட்ரோலை தன் மீது ஊற்றி லவ் பிரபோஸ் பண்ண சொன்னதாகவும் அவர் தெரிவித்தார். தாங்கள் சொன்னபடி செய்யவில்லை என்றால் உயிரோடு தீவைத்து விடுவோம் என்று மிரட்டியதாகவும் தான் சத்தமிட்டு தப்பி வந்ததாகவும் அந்தப்பெண் போலீசாரிடம் தெரிவித்தார்.

இதையடுத்து அந்தப்பெண் கூறிய அடையாளங்களை கொண்டு, சிசிடிவி காட்சிகளை ஆய்வு செய்த போலீசார் வால்டாக்ஸ் சாலை பகுதியை சேர்ந்த அர்ஜூன், ஜேம்ஸ் ஆகிய இரு இளைஞரகளை அடையாளம் கண்டு இருவரையும் கைது செய்தனர். தனியாக நடந்து செல்லும் பெண்களை, விரட்டிச்செல்லும் வழக்கம் கொண்ட இருவரும் இந்த பெண்ணை சில தினங்கள் பின் தொடர்ந்துள்ளனர். அவர் கண்டு கொள்ளாததால் அவரை மறித்து பெட்ரோல் ஊற்றி காதலிக்கச் சொல்லி கட்டாயப்படுத்தியதாக போலீசில் தெரிவித்தனர். நீதிமன்றத்தில் ஆஜர்படுத்தப்பட்ட இருவரும் சிறையில் அடைக்கப்பட்டனர்.