வீட்டிற்கு புகுந்து கொள்ளையடிக்க முயன்ற இருவர் தப்பிச்சென்ற நிலையில் அவர்களை ட்ரோன் கேமரா உதவியுடன் இளைஞர்கள் விரட்டிச் சென்று மடக்கிய காட்சிகள் தான் இவை..!

செங்கல்பட்டு மாவட்டம் மதுராந்தகம் அடுத்த வேடவாக்கம் பகுதியைச் சேர்ந்தவர் சலவை தொழிலாளி பார்த்தசாரதி.

வேலை முடிந்து திரும்பிய பொழுது, வீட்டின் முன்பு ஒரு இளைஞர் நின்றிருக்க, வீட்டின் உள்ளே இரண்டு இளைஞர்கள் பீரோவை திறந்து கொண்டிருந்தனர்.

பார்த்தசாரதி வருவதை கண்டதும் வெளியே இருந்த இளைஞர் இருசக்கர வாகனத்தை எடுத்துக் கொண்டு தப்பிச் சென்றார்.

வீட்டின் உள்ளே இருந்த இரண்டு இளைஞர்களும் வீட்டின் பின்பக்கம் வழியாக தப்பி ஓடி, அருகில் இருந்த ஏரியில் குதித்து தண்ணீரில் உள்ள புதருக்குள் பதுங்கிக் கொண்டனர்.

இதை அடுத்து அப்பகுதி பொதுமக்கள், இளைஞர்களின் யோசனைப்படி ட்ரோன் காமிரா மூலம் தேடும் பணியில் ஈடுபட்டனர்.
ஏரியில் உள்ள கோரை புதர்களுக்கு நடுவில் மறைந்திருந்த இருவரையும் அடையானம் கண்டனர்

அவர்கள் இருவரும் தப்பி விடாமல் இருக்க இளைஞர்கள் நான்கு புறமும் தண்ணீருக்குள் இறங்கி நீந்தி சென்று அவர்கள் இருவரையும் மடக்கிப்பிடித்து கரைக்கு இழுத்து வந்தனர்

இரு கொல்லையற்களையும் போலீசாரிடம் ஒப்படைத்தனர். விசாரணையில் அவர்கள் சென்னை பல்லாவரம் பகுதியை சேர்ந்த சஞ்சய் மற்றும் ஜான்சன் என்பது தெரிய வந்தது . தப்பி ஓடிய இளைஞர் யார் என்பது குறித்து மதுராந்தகம் போலீசார் விசாரணை நடத்தி வருகின்றனர்

பட்டப் பகலில் சினிமா பாணியில் நடந்த இந்த சேசிங் சம்பவம் பெரும் பரபரப்பை ஏற்படுத்தியது.