நடப்பு ஐபிஎல் தொடரில், இதுவரை 7 போட்டிகளில் விளையாடியுள்ள சென்னை அணி 2ல் மற்றுமே வெற்றி பெற்றுள்ளது. இதுவரை ஒரு ஐபிஎல் தொடரில் தொடர்ச்சியாக 5 தோல்விகளை சந்திக்காமல் வந்த அணி என்ற பெருமையையும் இழந்தது.

தொடரும் தோல்விகளுக்கு பேட்டிங்கில் சொதப்புவதே காரணம் என்று ரசிகர்களும், கிரிக்கெட் ஆர்வலர்களும் குற்றம்சாட்டி வருகின்றனர். மிடில் ஓவர்களில் அடித்து ஆடக்கூடிய பேட்ஸ்மேன்கள் இல்லாததும் சென்னை அணிக்கு பெரிய தடையாக பார்க்கப்படுகிறது.

சென்னை அணியின் பேட்டிங் தூணாக பார்க்கப்பட்ட கேப்டன் ருதுராஜ், காயம் காரணமாக நடப்பு ஐபிஎல் தொடரை விட்டு வெளியேறிய நிலையில், கேப்டன் பொறுப்பை மீண்டும் ஏற்றுக் கொண்டார் தோனி..

இந்நிலையில் தற்போது இளம் வேகப்பந்துவீச்சாளர் குர்ஜப்னீத் சிங் காயம் காரணமாக ஐபிஎல் தொடரில் வெளியேறியுள்ளதாக சென்னை அணி அறிவித்துள்ளது.

அவருக்கு பதிலாக தென்னாப்பிரிக்க வீரர் டெவால்ட் பிரெவிஸ்-ஐ சென்னை அணி ஒப்பந்தம் செய்துள்ளது.

ஏபி டிவில்லியர்ஸ் போலவே பேட்டிங் ஸ்டையில் அவரிடம் உள்ளதால், டெவால்ட் பிரெவிஸ்-ஐ Baby ABD என கிரிக்கெட் ரசிகர்கள் அழைப்பார்கள்..

Baby ABDயின் வருகை சென்னை அணியின் மிடில் ஆர்டர் பேட்டிங்கிற்கு உதவும் என்று ரசிகர்கள் எதிர்பார்க்கின்றனர்.

பிளேஆஃப் வாய்ப்பை தக்க வைக்க வேண்டும் என்றால் எஞ்சியுள்ள அனைத்து போட்டிகளில் சென்னை அணி வெற்றி பெற வேண்டிய சூழல் உள்ளது.