2022-ம் ஆண்டு தொடங்கிய ரஷ்யா - உக்ரைன் போரை முடிவுக்கு கொண்டுவர உலக நாடுகள் எவ்வளவு முயற்சி செய்தும் இன்று வரை எந்த முடிவும் எட்டப்படவில்லை.

2-வது முறை​யாக அமெரிக்க அதிப​ராக பொறுப்​பேற்ற டொனால்டு ட்ரம்ப், ரஷ்​யா, உக்​ரைன் இடையி​லான போரை நிறுத்​து​வேன் என தெரி​வித்​தார். போரை நிறுத்துவது தொடர்​பான பேச்​சு​வார்த்தை நடை​பெற்றும் பலன் அளிக்கவில்லை.

இதனை தொடர்ந்து போரை நிறுத்துமாறு ட்ரம்ப், ரஷ்​யா​வுக்கு 50 நாள் காலக்​கெடு விதித்​தார். பின்​னர் அதனை 12 நாட்​களாக குறைத்​தார். இதுகுறித்து ரஷ்ய முன்​னாள் அதிபரும் அந்​நாட்டு பாது​காப்பு கவுன்​சிலின் துணைத் தலை​வரு​மான டிமிட்ரி மெட்​வ​தேவ் தனது எக்ஸ் தளத்​தில், “ட்​ரம்​பின் ஒவ்​வொரு காலக்​கெடு​வும் போரை நோக்கி தள்ளும் நடவடிக்​கை’’ என பதி​விட்​டார்.

இதனை பார்த்து கடுப்பான ட்ரம்ப், தனது ட்ரூத் சமூக வலை​தள பக்கத்தில், "டிமிட்ரி மெட்​வ​தேவ் அத்​து​மீறி பேசி வரு​கிறார். எனவே, ரஷ்யா அருகே 2 அணுசக்தி நீர்​மூழ்கிகளை நிலைநிறுத்த உத்​தர​விட்​டுள்​ளேன்’’ என குறிப்பிட்டிருந்தார்.

அமெரிக்​கா​வின் எந்த ஒரு பெரிய நடவடிக்​கை​யும் டெட் ஹேண்ட்' நடவடிக்​கையை தூண்ட வழி​வகுக்​கும் எனவும் அதன் பிறகு தாங்கள் பின்​வாங்க மாட்​டோம்’’ எனவும் டிமிட்ரி மெட்​வ​தேவ் எச்​சரிக்கை விடுத்​தார்.

இதனைத்தொடர்ந்து, டெட் ஹெண்ட்டா? அப்படி என்றால் என்ன? பலரும் இணையத்தில் தேட ஆரம்பித்துள்ளனர். டெட் ஹெண்ட் என்பது 1980-களில் உரு​வாக்​கப்​பட்ட சோவி​யத் யூனியன் காலத்து அணு ஆயுத கட்​டளை மற்​றும் கட்​டுப்​பாட்டு அமைப்பு.

எதிரி நாடு​கள் அணு குண்டு வீசி​னால், அதனால் ஏற்​படும் நில அதிர்​வு, அணுக் கதிர்​வீச்சு பற்​றிய தகவல் அந்த அமைப்​புக்கு கிடைக்​கும். அதன் பிறகு தலைமை உத்​தர​விட்டதும் குறிப்​பிட்ட அந்த நாட்​டின் மீது தனது தாக்​குதலை நடத்​தும்.

பொது​வாக அணு ஆயுத தாக்​குதலுக்கு உத்​தர​விடும் அதி​காரம் அதிபருக்கு மட்​டுமே இருக்​கும். இந்த நிலை​யில், எதிரி நாட்​டின் அணுகுண்டு தாக்​குதலில் ரஷ்​யா​வின் அதிபர் உட்பட முக்​கிய தலை​வர்​கள் உயி​ரிழந்​து​விட்​டால், அங்​கிருந்து உத்​தரவு வராத நிலை​யில் அதை தானாக புரிந்​து​கொள்​ளும்.

அதாவது ஏவு​கணை தானாக வெளி​யில் வந்து ஆங்​காங்கே பூமிக்​கடி​யில் புதைத்து வைக்​கப்​பட்​டுள்ள அணுகுண்​டு​களுக்கு தகவல் கொடுக்​கும்.

பின்​னர் அவை தானாக செயல்​பட்​டு, எந்த நாடு தாக்​குதல் நடத்​தி​யதோ அந்த நாட்டை குறி​வைத்து தாக்​குதல் நடத்தி துவம்​சம் செய்​து​விடும். இதனாலேயே டெட் ஹேண்ட் அமைப்பு மிக​வும் மோச​மான அணு ஆயுதமாக கருதப்படுகிறது.

அமெரிக்​கா, சோவி​யத் ரஷ்யா இடையே பனிப்​போர் நடை​பெற்​ற​போது, அமெரிக்​கா​வின் தாக்​குதலில் தலைநகரமே அழிந்​து, அதிபர், ராணுவ தளபதி உள்​ளிட்​டோர் இறந்​து​விட்​டாலும் தன்​னிச்​சை​யாக இயங்கி பதிலடி கொடுப்​ப​தற்​காக சோவி​யத் ரஷ்​யா​வால் 'டெட் ஹேண்ட்' உரு​வாக்​கப்​பட்​டது.

அப்படிப்பட்ட டெட் ஹேண்ட்டை, அமெரிக்காவிற்கு எதிராக கையில் எடுக்க நேரிடும் என ரஷ்யா முன்னாள் அதிபர் தெரிவித்துள்ளது உலக அளவில் பெரும் பரபரப்பை ஏற்படுத்தியுள்ளது.